Над 200 кајакари од 18 земји ќе учествуваат на Европското првенство на Матка
Директорот на Агенција за млади и спорт го најави отворањето на овогодинешното Европско првенство за сениори во кајак спуст на диви води на Матка .
Над 200 кајакари од 18 земји , ќе учествуваат на натпреварите закажани од среда 17-ти мај па се до сабота 20-ти мај.
Претседателот на кајак федерација Дрилон Леши го изрази своето задоволство од пријавената бројка на натпреварувачи кои доаѓаат од различни држави.
Среда и четврток првите два дена од првенството се трка во спуст класик , а последните два дена се трките во спуст спринт.
Од првите два дена натпреварите ќе можат да се следат на „YouTube“ каналот на Европската кајак асоцијација, а финалните натпревари во сабота ќе бидат пренесувани во директен пренос на МРТ.
Македонија ќе биде претставувана од Александар Златанов и Кристијан Лазаров. По 2017 година, ова е второ ЕП на кое сме домаќини и се надеваме дека следно ќе имаме можност да добиеме организација за светско првенство.