Поранешниот српски кошаркар кој во кариерата го носеше дресот и на Лос Анџелес Лејкерс, Владимир Радмановиќ бил ограбен во манастирот Хиландер на Света Гора, објави српски „Курир“.

Според информациите грабежот се случил на почетокот на април, а од собата на манастирскиот конак му биле украдени 350 евра.

Радмановиќ во првата половина на април со неколку свои пријатели бил во посета на манастирот.

„Од собата на манастирскиот конак му се украдени пари. Грабежот го пријавил во полиција. Настанот се случи во првата половина на април кога престојуваше во манастирот со неколку пријатели. Монасите уредно го сместиле, меѓутоа додека бил на обиколка собата му била отклучена и некој му ги украл парите“, изјавил доброизвестен извор.

Истрагата е во тек, се истражувало и интерно во манастирот, но засега нема резултат. Се сомнева дека сторителот веројатно е некој од поситетелите во тој ден, меѓутоа засега нема потврдени информации.