МЗТ Скопје Аеродром загуби во контролниот меч против грчкиот Арис
МЗТ Скопје Аеродром денеска го одигра првиот подготвителен меч во пресрет на новата натпреварувачка сезона.
На гостински терен актуелниот македонски кошаркарски шампион загуби со 67:87 против повеќекратниот грчки шампион Арис.
Играчите на МЗТ одиграа одлични три четвртини (14:22, 25:13, 19:26), водеа и на полувремето (39:36). Но, поспремниот противник со серија од 11:0 се одлепи во последниот период и дојде до триумф.
Во редовите на МЗТ Бојан Крстевски со 12 поени беше најефикасен, Седрик Расел постигна 10 поени, Дамјан Робев беше стрелец на девет поени, Ијасу Ворку реализира седум, а Андреј Андоноски и Марко Баковиќ уфрлија по шест.
Серијата пријателски средби МЗТ ќе ја продолжи в петок, кога ќе го пречека косовскиот тим на Пеќ.