Во силниот земјотрес што синоќа го погоди поширокото подрачје на Херцеговина загина едно лице. Убиена е Елмира Сефо од Столац.

Земјотресот, кој најпрво ја потресе Херцеговина, а беше почувствуван низ речиси целиот регион, беше со јачина од 5,6 степени според Рихтеровата скала. Најлошо било во Столац, каде камен паднал врз куќата и тешко ја повредила Елмира Сефо (27), која починала од повредите.

Ovo je Elmira Sefo, djevojka iz Stoca, koja je večeras smrtno stradala kada se, tokom potresa, na njenu kuću obrušilo kamenje pic.twitter.com/JqTSuhD4zj

— Istraga.ba (@IstragaB) April 22, 2022

Според сведочењето на мештаните, Елмира живеела со родителите во семејната куќа во населбата Кукавац, кои биле полесно повредени.

Брзата помош ја пренела Елмира во болницата во Мостар, каде лекарите се обиделе да ја оживеат, но безуспешно. Повредите со кои се здобила биле фатални.

ВИДЕО: Паника во БиХ, граѓаните на Сараево, Требиње и Зеница истрчаа на улиците, паѓале предмети во становите на погорните катови