Миланската Скала загуби два долгогодишни соработници во борбата против коронавирусот

Фото: EPA-EFE/MATTEO CORNER

Миланската Скала загуби два долгогодишни соработници поради коронавирусот – некогашниот кастинг-директор Лука Таргети почина на 12 март на 63-годишна возраст набрзо откако почувствувал симптоми на болеста, а на 15 март почина и архитектот Виторио Греготи на 92-годишна возраст.

Греготи починал во болница од последици на коронавирусот, од кој е заразена и неговата сопруга, која исто така е на лекување, пренесуваат италијанските медиуми.

Една од најистакнатите личноси на италинаската модерна архитектура, Гретоти, заслужен е за Тетатарот Арчимболди со 2.000 седишта, кој беше привремено седиште на миланската Скала во време кога беше затворена во 2002 година поради реновирање.

Греготи е автори и на низа други важни проекти во Милано и ширум светот, вклучувајќи го седиштето на компанијата „Пирели“, неколку универзитетски кампуси, стадионот за Олиписките игри во Барселона во 1986 година, а ја надгледуваше и модернизацијата на лондоски „Саут бенк“ во 1994 година.

Коронавирусот го однесе и животот на Лука Таргети, кој 13 години беше директор на Скала, започнувајќи од 1997 година, а едно време работел и како архитект.

Познатата миланска оперска куќа Скала ја запре програмата на 23 февруари, како и сите други италијански театри, и истите ќе бидат затворени до 3 април.

Во меѓувреме, соопштено е дека еден тенор кој учествувал на пробите на операта „Салома“ е заразен со коронавирусот, а бил во контакт со повеќе од 20 колеги, кои сега се во изолација. „Салома“ требаше да биде премиерно изведена на 8 март.

Видео на денот