Брајди Сојер (31) е љубезна девојка која се сожалила над бездомникот Џорџ Диксон (67) каде пред неколку недели прв пат го сретнала. Му понудила да преспие во гаражата, а потоа тргнала во потрага по неговиот нов дом.

Таа го креирала блогот „Get George Home“ со цел да му помогне да пронајде постојано место за живот. Нејзината првична цел била да собере 800 фунти, а сега се надева дека износот ќе биде двојно поголем.

Џорџ во моментот спие во куќата која Брајди ја дели со својот партнер.

– Ми кажа дека дошол во Нортамберленд откако го напуштил подрачјето на Њукасл поради антисоцијалното однесување, заканите од страна на другите и општото чувство на ранливост таму каде што бил сместен. Не можам ни да замислам колку е страшно да се остане со 67 години на улица. Го гледав Џорџ секојдневно и мојата потреба да му помогнам се повеќе растеше. Кога една ноќ го видов како се обидува да спие на вратата на едно кафуле му понудив сместување. Оттогаш е кај нас – раскажа таа.

Woman so touched by plight of homeless man she met in coffee shop she has taken him in

Bridie Sawyer, 31, of South Northumberland, started chatting to George Dickson, 67, in a coffee shop and knew she had to do something to help him https://t.co/tr3DVVKNKq

— Socialist Voice ? (@SocialistVoice) October 2, 2019

Џорџ го изгубил правото на пензија пред повеќе од една година и станал бездомник откако го загубил станот и немал услови да плаќа станарина.

Тој страда од артритис, има потешкотии со одењето и нема контакт со семејството. Многу и е благодарен на Брајди и нејзиниот партнер што му помогнале.

– Не можам доволно да им се заблагодарам. Ми ја вратија вербата во човековата природа. Ми дадоа соба и ми се допаѓа овде, но би сакал да имам свој стан. Ако можам да се снајдам на улица, можам да се снајдам и во стан – изјави тој.

Брајди се надева дека ќе собере доволно пари за Џорџ да може да изнајми сопствен стан.