23 C
Скопје

Мери Петреска „стопи“ 36 килограми готвејќи здраво, сега 3 рецепти споделува со вас!

Откако „стопила“ 36 килограми за две години, хранејќи се според принципот на липосукциската исхрана, згодницата Мери Петреска готви исклучително само здрави јадења.

Мери има прилично дебел нотес испишан со здрави рецепти, а ние со вас споделуваме три рецепти од нејзината кујна кои ќе ве иснпирираат што да подготвите за предјадење, главно јадење и десерт.

Рукола салата

За да ја подготвите оваа салата потребни ви се намирниците: рукола, црвена пиперка, чери домати, моцарела, маслиново масло и хималајска сол.

Сите намирници исечкајте ги и претурете ги во сад за салата, потоа, убаво измешајте. Наросете маслиново масло и зачинете. Салатата ќе биде уште повкусна ако во неа додадете јаткасти плодови.

Потпечени пиперки со мелено јунешко месо

Од намирници потребни се: Мелено јунешко месо, кромид, пиперка црвена, пиперка зелена, домат (поголем), модар патлиџан, јајца, пармезан, маслиново масло (или путер), хималајска сол, зачини.

Подготовка: Модриот патлиџан пресечете го на половина и од него извадете го внатрешниот дел. Истото, внимателно направете го и со доматот. Во тава на маслиново масло или путер ставете го исечканиот кромид, исечканата црвена и зелена пиперка, отстранетиот дел од модриот патлиџан и отстранетиот дел од доматот. Измешајте, па потоа додадете го меленото месо. Оставете намирниците заедно да се издинстаат 10-на минути. На крајот, додадете сол и зачини по вкус.

Испразнетите средини на модриот патлиџан и доматот наполнете ги со содржината која ја динставте. Наредете ги во тава за печење и прелијте ги со водата во која се динстаа намирниците. Печете на температура од 200 степени околу 20 минути. Потоа, прелијте со смеса од јајца и рендан пармезан и оставете да се допечат уште пет минути.

За овој рецепт, освен модар патлиџан и домат, може да ви послужат и бабури и тиквички

За овој рецепт, освен модар патлиџан и домат, може да ви послужат и бабури и тиквички.

Десерт од кокос и какао

Од намирници потребни се: 50 грама путер, 1 голама лажица кокосово масло, 8 до 10 таблетки „стевија“, две мали лажици какао, 10-на лешници или бадеми (бадемите и лешниците може да ги потпечете десетина минути во микробранова печка).

Подготовка: На пареа се ставаат путерот, кокосовото масло, стевијата и какаото, за да се стопат. Откако ќе бидат во течна состојба, претурете ги во модли за колачиња, потоа додадете ги исечканите лешници или бадеми.

Оставете ги во замрзнувач да отстојат еден час. Потоа, извадете ги од модлите и послужете.

Поврзани вести

ФОТО | Кое е новото момче на Цеца: Син на поранешен спортист и политичар, угостител и татко на малолетна ќерка

Слободен печат

ВИДЕО: Рецепт од нутриционистката Цвета Динева за зголемување на имунитетот во борба против Ковид-19

Новогодишни бастунчиња

Слободен печат

ВИДЕО | Синот на познатиот политичар објави емотивно видео: Амди Бајрам плаче додека му пее Шериф Коњевиќ!

Слободен печат

ВИДЕО+ФОТО | 48 часа предходно сам на себе си ставал витамински инекции: Познатиот пејач почина од Ковид – 19!

Слободен печат

Ќерката на Трамп беснее на плажа во Мајами, Американците се бесни на неа: „Стави маска на лицето!“

Слободен Печат

Остави Коментар