Мбапе откри зошто го одби Реал и остана во ПСЖ: Парите не беа причина за мојата одлука
Напаѓачот на ПСЖ и на француската репрезентација, Килијан Мбапе, во интервју за „Њујорк тајмс“ откри зошто одлучи да остане во Париз и да ја одбие понудата на Реал Мадрид.
Претседателот на Реал Мадрид, Флорентино Перез планираше Мбапе да биде лидер на идните „галактикоси“, но напаѓачот по завршување на минатата сезона одлучи да му остане верен на ПСЖ и потпиша нов тригодишен договор.
Мбапе остана „светец“ за неделна плата од милион евра, а само за потпис на договорот доби бонус од 100 милиони евра, а сега во интервју за „Њујорк тајмс“ открива дека парите не биле причината за тој да потпише нов договор со ПСЖ.
– Дали поради парите го избрав ПСЖ пред Реал Мадрид? Не, затоа што каде и да одам, ќе заработам пари – изјави Мбапе.
Напаѓачот рече дека голема улога во неговата одлука да остане на „Паркот на принцевите“ има и францускиот претседател, Емануел Макрон.
– Никогаш не би можел да замислам дека ќе разговарам со претседателот за мојата иднина и кариера. Тоа е лудо. Ми рече: Јас сакам да останеш, не сакам да си одиш сега, ти си важен за нашата земја. Кога претседателот на вашата земја ќе ви каже такво нешто, тогаш тоа е многу важно – вели ѕвездата на ПСЖ.
Мбапе одлично ја започна сезоната и покрај недоразбирањата со Нејмар и Лионел Меси, на пет натпревари во Лига 1 постигна седум гола.