За првиот вицепремиер Бојан Маричиќ, идентитетот на Македонија е заштитен, а и јазикот исто така. Вели нема од што да се плашат бидејќи во тој процес требало да се плашат оние кои се статус „кво“, меѓу кои и претседателската кандидатка од ВМРО-ДПМНЕ, Силјановска Давкова

„Сигурен сум дека на престојните избори, победата на Претседателот Пендаровски и Коалицијата за европска иднина, е сигурна, гарантирана и ќе не носи напред,“ порача првиот вицепремиер и секретар за меѓународна соработка на СДСМ,  Бојан Маричиќ во одговор на прашање во врска со изјавата на Силјановска дека,  гордоста не се купува, подарува, туку се заслужува, а се однесува на претходно изразена констатација од другата страна, дека таа е за изолација на државата“, рече Маричиќ.

Маричиќ посочи дека европскиот процес, процесот на преговори, треба да го гледаме како процес на механизам за отстранување на нашите слабости, како механизам за реформи, подобар систем, подобро владеење на правото, подобро судство, поквалитетно образование, поквалитетно здравство, и како систем кој треба да ни донесе напредок во државата.

„Јас сум сигурен дека граѓаните видоа, кој е за блокирање, а кој е за  напред, видоа дека нашата Влада и покрај сите проблеми и пропусти го зададе вистинскиот правец на државата, а тоа е членството во ЕУ. По членството во НАТО, ова е исполнување на нашиот втор приоритет. И таму каде што сме тргнати може да стигнеме само со храбри одлуки, и со отстранување на пропустите и грешките, а тоа го можеме само преку реформи,“ порача Маричиќ