Маќеа оставила дете во гаража, тоа премрзнало до смрт
Маќеа од Лонг Ајленд во петокот била прогласена за виновна за убиство на 8-годишно момче кое премрзнало до смрт во јануари 2020 година. Анџела Полина (45) била прогласена за виновна по сите точки од обвинението за убиство од втор степен и четири точки од обвинението за загрозување на благосостојбата на едно дете во смртта на Томас Валве.
Томас починал еден ден откако ја поминал ноќта во гаражата на семејната куќа на температури кои паднале под минус 6 Целзиусови степени. Следниот ден, Мајкл Валва, таткото на момчето и поранешен свршеник на Полина, се јавил на брза помош и рекол дека Томас паднал на патот додека чекал автобус. Но, температурата на телото на детето била 24,4 степени кога било донесено во локалната болница.
Мајкл Валва, кој бил полицаец од 2005 година, бил прогласен за виновен за убиство од втор степен и четири точки од обвинението за загрозување на деца. Тој е осуден на 25 години затвор. Томас и неговиот постар брат Ентони (10) поминале 16 часа во незагреана гаража како казна за мокрење и нужда во куќата, објави „Ен-Би-Си“.
Медицинскиот вештак пресудил дека смртта на Томас е убиство бидејќи главната причина за смртта била хипотермија. За време на судењето, обвинителите изјавија дека и Томас и Ентони имале пореметување од аутистичниот спектар и дека нивниот татко и маќеа ги казнувале за нивното однесување испраќајќи ги во гаража.
Мајката на починатото момче, Јустина Зубко-Валва, рече дека постојано го предупредувала семејниот суд во округот Сафолк и барала на Валва да и биде одземено старателството над нивните три деца. Не е познато зошто таа не го добила старателството по разводот во 2018 година. Но, сега повторно е наградена за две деца.