Фудбалерите на Македонија ЃП одиграа 0:0 против ЦСКА Софија во првиот натпревар од второто квалификациско коло за пласман во Лигата на конференции.

„Лавовите“ успеаја да останат непоразени иако второто полувреме го одиграа со играч помалку откако во финишот од првиот дел поради два жолти картони беше исклучен Лемос.

И со играч помалку, „лавовите“ во финишот имаа шанси да постигнат гол, прво капитенот Ермедин Амен шутираше непрецизно, потоа шутот со глава во Личина во 83 минута исто така беше за малку непрецизен, а во судиското продолжение Мишевски сантиметри го делеа од постигнување гол.

Во првиот дел кога силите на теренот беа израмнети, „лавовите“ беа и подобар тим, а со одлична игра продолжија и во вториот дел иако беа лишени од услугите на Лемос кој беше исклучен.

Иако му ја препуштија топката и иницијативата на бугарскиот тим, играчите на Македонија Ѓорче Петров шансата ја бараа преку брзите контранапади и за малку не успаја да постигнат гол и во Софија да патуваат со резултатска предност.

Најизгледни беа шансите на Адем во 69 минута кога биеше покрај голот и шутот на Мишевски од слободен удар во 95 минута кој заврши покрај дирекот. Реванш натпреварот ќе се игра идниот четврток во Софија.