Српски портали објавија видео на кое се гледа мајмун на покрив од куќа во, како што велат, белградската населба Карабурма. Видеото вчера првпат го објави Инстаграм страната „moj_beo_grad“.

Не е јасно како мајмунот завршил на слобода, но ниту во Белград. Станува збор за мајмун од родот макаки. Постојат дваесет и три видови макаки кои живеат низ Азија, Северна Африка и Гибралтар.

На снимката се слуша гласот на една личност која вели дека на мајмунот му дала чоколадо и јаболка, кои животното ги земало и потоа повторно побегнало.

Засега не е познато што се случило со животното откако било снимено.