Мајка со новороденче е меѓу десетиците мигранти спасени во близина на Канарските острови
Шпанските спасувачи кај Канарските острови спасија мајка и нејзиното бебе кое се родило во гумениот чамец со кој се превезувала група мигранти од Африка.
Препорачано
Доенчето кое е родено во гумен чамец на надувување преполн со 64 мигранти во обид да го преминат Атлантикот до Канарските острови е меѓу спасените од шпанските служби за пребарување и спасување на море (САСЕМАР).
Како што објавија во нивната објава на платформата Икс, мајката и новороденчето со хеликоптер биле пренесени на Ланзароте, четвртиот по големина остров од Канарскиот архипелаг.
La Navidad termina en Canarias con el rescate de un #bebé nacido en plena travesía en el #mar. Nuestras tripulaciones en Canarias han comenzado el año de forma intensa. Aunque todos los rescates y asistencias merecen reconocimiento, hay una intervención que llama inevitablemente… pic.twitter.com/NwRYmQetky
— SALVAMENTO MARÍTIMO (@salvamentogob) January 8, 2025
Капетанот кој управувал со бродот на шпанските спасувачи веќе доживеал слично искуство во 2020 година, кога учествувал во спасувачка операција на брод „каде што штотуку се породила жена“.
Миграцискиот пат од северозападниот брег на Африка до Канарските острови стана популарен во последните години, иако е особено опасен поради силните струи.
Минатата година, 46.843 нелегални мигранти успеаја да стигнат до шпанските Канарски острови, надминувајќи го рекордниот број поставен во 2023 година.
