Белорускиот претседател Александар Лукашенко се закани на Западот дека ќе ограничи транзит низ Белорусија во случај на нови санкции против Минск.

-Ако вршите притисок со нови санкции – ќе ја заобиколувате Белорусија преку Северниот Пол и Средоземното Море. Засега во услови на пандемија и понатаму ќе се однесуваме човечки во поглед на транзит и движењето на патнички и товарен сообраќај, рече Лукашенко во вторник вечерта, пренесува Белорусија данас.

Според неговите зборови, санкциите немаат никаква врска со правниот систем, пренесува Спутник.

-Примената на рестриктивни мерки како инструмент за притисок на суверена држава е беззаконие и уцена на меѓународно нив. Тоа е уцена која во документите на ОН и другите меѓународни организации се осудува како неприфатлива мерка, истакна Лукашенко.

Белорускиот претседател додаде дека санкциите се воведени и против Русија и оцени дека приказната со неодамнешното слетување на авионот во Минск е само формален повод за санкции.