Германската авиокомпанија Луфтханза денеска соопшти дека сака што поскоро да се постигне договор со синдикатите за зголемување на платите на копнениот персонал на компанијата.

Портпаролот на Луфтханза изјави дека раководството ги земало предвид барањата на синдикатот и дека е заинтересирано брзо да се постигне договор за зголемување на платите, пренесува Ројтерс.

Копнениот персонал на Луфтханза стапи во штрајк на главните германски аеродроми во вторникот, а четвртиот состанок меѓу раководството и синдикатите за зголемувањето на платите заврши без успех, а разговорите ќе продолжат на 13 или 14 март.

Ова е втор штрајк на персоналот на Луфтханза за овој месец, а погодени беа околу 100 илјади патници.

Синдикатот бара зголемување на платата за 12,5 отсто или најмалку 500 евра месечно во период од 12 месеци, како и еднократна исплата од 3.000 евра.