Луди мерки во Англија: Фудбалерите во дресови на терен директно од своите автомобили
Пријателските натпревари ќе ги судат тренерите на екипите.
Англиската влада им дозволи на екипите од Премиер лигата да имаат и пријателски натпревари за време на подготовките пред продолжението на сезоната кое е закажано за 17. јуни.
Екипите и за време на пријателските натпревари ќе мора строго да се придржуваат кон епидемиолошките мерки кои вклучуваат фудбалерите сами да доаѓаат на стадионите и тоа со своите автомобили.
Тие исто така ќе мора да бидат облечени за настап на натпреварите, а до стадионите мора да стигнат најдоцна за 90 минути.
Судењето ќе им биде препуштено на тренерите на екипите, а сите фудбалери пред секој натпревар ќе мора одново да се тестираат на коронавирус.
Една од првите екипи која најави дека ќе има пријателски натпревари е Лестер бидејќи менаџерот на тимот, Брендан Роџерс, сака неговите фудбалери да бидат максимално подготвени за преостанатите девет кола од Премиер лигата.
– Сакам што поподготвени да го дочекаме продолжението на сезоната. Ќе организираме неколку контролни натпревари на својот стадион – изјави Роџерс.