Љубомир Фрчкоски се разведува од сопругата Ирена по две децении брак
Професорот Љубомир Фрчкоски и неговата сопруга Ирена Фрчкоска се разведуваат по речиси две децении брачен живот, објави „Фокус“.
Според добро упатени извори на „Фокус“, двојката се разделила спогодбено и тие останале во коректни односи.
Во моментов, Фрчкоски е шеф на Мисијата на Македонија при Организацијата на обединетите нации (ООН) и живее во САД, а неговата, сега веќе, поранешна сопруга останува да живее во Скопје.
Тие двајца се родители на две деца – син и ќерка.
„Тие заеднички ја донесоа оваа одлука и остануваат во коректни односи. Разводот е спогодбен, сепак Ирена и Љубомир заедно поминаа речиси две децении, и во име на тие заеднички години и убави моменти и спомени кои ги имаат, на достоинствен начин се носат со оваа одлука“, изјави изворот за „Фокус“.
Во меѓувреме, оваа информација ја потврди и самата сопруга на Фрчкоски.
„Точна е информацијата за разводот. Ние ќе останеме во коректни односи во интерес на децата и ве замолуваме да ја почитувате нашата приватност“, изјави таа за „Фокус“.