Лидерите на ЕУ и НАТО го поздравија денеска официјалното стапување на должност на новиот претседател на САД Џо Бајден и потпретседателката Камала Харис.

– Најдобри желби во напорите за закрепнување на земјата и да најдат излез за американските граѓани од пандемијата, напиша на Твитер претседателот на Европскиот совет, Шарл Мишел, додавајќи дека е време „ЕУ и САД да ги оживеат односите”.

I wish President @JoeBiden & Vice President @KamalaHarris my very best, as they strive to heal their country & lead the American people out of the pandemic.

It’s time to bring back conviction & common sense and rejuvenate our EU-US relationship. ????#Inauguration2021 pic.twitter.com/ZiINGvGgtk

— Charles Michel (@eucopresident) January 20, 2021

Претседателот на Европскиот парламент, Давид Сасоли изјави дека „светот има потреба од силна врска меѓу Европа и САД”, изразувајќи очекување за соработка во заштита на природата и борбата со нееднаквоста.

Генералниот секретар на НАТО, Јенс Столтенберг, исто така, го поздрави инаугурирањето на претседателот Џо Бајден.

– Денеска отвораме ново поглавје и нестрпливо ја очекувам нашата тесна соработка, напиша Столтенберг на Твитер, веднаш откако Бајден положи заклетва како 46. претседател на САД.

I congratulate President @JoeBiden on his #InaugurationDay. A strong #NATO is good for both North America & Europe, as none of us can tackle the challenges we face alone. Today is the start of a new chapter & I look forward to our close cooperation! https://t.co/cUB90k7XaW

— Jens Stoltenberg (@jensstoltenberg) January 20, 2021

Тој нагласи дека „врската меѓу Европа и САД е основа за нашата безбедност. Раководството на САД е многу важно за заедничката работа во заштита на нашите демократии, вредности и меѓународниот превен поредок”.

– Сојузниците треба да бидат единствени пред безбедносните предизвици од делувањето на Кина, заканата од тероризмот, однесувањето на Русија, напиша Столтенберг и изрази очекување дека подоцна оваа година ќе оствари средба со Бајден во Брисел.