Ѕвездата на ЛА Лејкерс и на НБА лигата, Леброн Џејмс, изјави дека до крајот на кариерата постои можност повторно да се врати во Кливленд кавалирс и последната сезона во кариерата да ја одигра заедно со неговиот син.

Џејмс кој се смета за еден од најдобрите кошаркари на сите времиња, кариерата ја започна во Кливленд по што се пресели во Мајами хит, за потоа да се врати во Кливленд и во 2016 година да ја освои шампионската титула.

Тој моменто е член на ЛА Лејкерс, но планира последната сезона да ја игра за тимот во кој ќе настапува неговиот син Брони Џејмс за кого се очекува во 2024 година да се појави на НБА паркетите.

– Мојата последна сезона во НБА ќе биде со мојот син, каде и да игра Брони, ќе играм и јас. Ќе направам се што треба за една сезона да играм со својот син и парите нема да бидат пресудни – изјави Леброн Џејмс.

Тој не ја исклучува можноста тоа да биде и во Кливленд, тимот во кој ја започна својата кариера.

– И тоа не е искличено. Не велам дека сигурно ќесе вратам бидејќи не знамшто ни носи иднината, а не сум сигурен кога ќе бидам слободен – додаде Џејмс.