Уште 11 дена до големата победа на ВМРО-ДПМНЕ. Уште 11 дена кога народот ќе му го даде црвениот картон на Стево Пендаровски. Уште 11 дена кога граѓаните ќе излезат и масовно ќе ја поддржат Гордана Силјановска Давкова за претседател на Македонија, изјави Драган Ковачки од ВМРО-ДПМНЕ и носител на Третата изборна единица.

-Почитувани граѓани денеска се наоѓаме во најбрзо растечката општина, во Општина Илинден. Нашиот градоначалник и покрај тоа што се соочува со опструкции од централната власт, продолжува да ги реализира проектите. Со новата влада предводена од ВМРО-ДПМНЕ во Општина Илинден ќе се слеат над 9 милиони евра дополнителни за инфраструктурни проекти, за Илинден повторно да биде горда општина, за граѓаните на Илинден  повторно да бидат горди, за Македонија да биде повторно горда – рече Ковачки.