Косово: Службениците на ЦИК остануваат во болница, се чекаат лабораториските резултати
Директорката на Инфективната клинка во Приштина, Линдира Ајазај-Бериша даде нови детали околу здравствената состојба на службениците од Централната изборна комиција на Косово, за кои постои сомнеж дека имаа алергиска реакција од пликоата со гласовите од Србија.
– Сите пациенти ја имаат неопходната професионална медицинска грижа од Инфективната клиника. Во моментов ги очекуваме резултатите на примероците кои се земени – изјвила таа.
Ајазај-Бериша додаде дека до пристигнувањето за резултатите треба да се чека најмалку 48 осум часа, пренесува Клан Косова.
– По земањето на анамнезата од овие пациенти, некои рекоа дека имале повраќање, некои проблеми со дишењето, а некои промени на кожата во форма на црвенило или чешање – но сè уште нема други податоци – изјавила Ајазај-Бериша.
Директорката информирала дека во Инфективната клиника во моментов се третираат 11 пациенти од овој случај, девет жени – две од кои бремени, како и двајца мажи.
– Пациентите треба да останат во клиниката, треба да бидат под надзор и во моментот кога ќе видиме дека нивната здравствена состојба е во ред, тие ќе бидат пуштени на домашно лекување – објаснува таа.
Таа додаде дека денеска добиле мислење и од гинеколог, кој им кажал дека здраствената состојба на бремените жени и на децата е добра.
Вчера за време на броењето на пристигнатите гласови од Србија, службениците на ЦИК се пожалиле на силна миризба што пристигале од пликоата. Поради ова, одложена е верификацијата на овие гласови и другите гласови од дијаспората, а тие денеска биле испратени од Министертсвото за инфраструктура во Центарот на броење и резултати, пренесува Косовапрес.