По дефанзивецот на Манчестер сити, Кајл Вокер, во англискиот фудбал се појави уште еден „корона-идиот“, напаѓачот на Евертон, Моизе Кин.

Младиот 20-годишен Кин, во својот апартман организирал домашна забава иако на сила во Англија се строги мерки за социјално дистанцирање и карантин.

На видеото кое се појави на социјалните мрежи може да се види како неколку модели танцуваат пред Кин и неговите пријатели, а веднаш со реакција се јави и неговиот клуб.

„Евертон е шокиран од сознанието дека нашиот фудбалер ги игнорирал препораките на нашата влада за коронавирусот. Клибот е разочаран од постапките на својот фудбалер. Труфот кој го вложуваат здравствените работници во ова време е за восхит и почит, а единствен начин да им се помогне е да се следат нивните препораки“, стои во соопштението на Евертон кој исто така најави драконска казна за својот играч.

Moise Kean reportedly hosted a lockdown party ?

The Toffees aren’t happy ? pic.twitter.com/IybxDJHnz0

— Goal (@goal) April 26, 2020

Моизе Кин е 20-годишен напаѓач кој минатото лето за сума од 30 милиони евра од Јувентус премина во Евертон.

– Моизе и неговите пријатели очигледно е дека сметале дека правилата не се однесуваат на нив. Забавата била „дива“ и траела до утринските часови. Ѕвездите во Премиер лигата имаат огромни плати и не работат, а тоа сигурно дека ги лути обичните луѓе кои во овие кризни времиња остануваат без работа или им ги кратат мизерните плати. Зарем фудбалерите мислат дека се над законот? – изјави пријател на Кин, кој е бесен од неговата постапка.