И менаџерот на актуелниот шампион во Премиер лигата, Јирген Клоп со пофалби за денешните перформанси на играчите на Марсело Биелса.

Уште на самиот старт Ливерпул се соочи со доста незгоден ривал, иако пред натпреварот сите најавуваа дека тоа ќе биде само еден лесен триумф на „црвените“.

Фантастичен меч покажаа и Ливерпул и Лидс (4:3), на крајот Редси од пенал дојде до првите три бода преку Салах кој беше најзаслужен за победата и неговиот хет-трик.

???? x ???⚽️ pic.twitter.com/sctXVKmBWA

— Liverpool FC (@LFC) September 12, 2020

Менаџерот на Ливерпул, Јирген Клоп во свој стил истакна дека фудбалот не е возење со велосипед.

– Потребно е време да бидеме во вистинската форма. Каков меч, каков противник, вистински спектакл, уживав. Верувам дека Лидс ќе има добра сезона, доколку го задржи ваквиот интензитет. А и верувам дека сакаат тоа да го направат, бидејќи дојдоа од напорно натпреварување во кое знаеја како да ја распоредат свежината и силата. Знаевме дека ќе ни направат проблеми, сега сите видоа дека Лидс е посебен и денеска се претстави извонредно – рече германскиот стратег на Редси, Клоп.

Воедно Клоп додаде и дека неговите фудбалери можат да бидат уште подобри и дека е задоволен од играта против таков организиран состав каков што е Лидс.