Ќе остане во Барса уште три години со клаузула од 500 милиони евра
Дефанзивецот Алехандро Балде останува во клубот до 30 јуни 2024 година со откупна клаузула од дури 500 милиони евра.
Каталонскииот гигант потврди дека на првиот тим му се приклучува досегашниот член на Барселона Б. Станува збор за 17-годишен лев бек кој во следната натпреварувачка сезона се очекува да биде прва замена за Жорди Алба.
Младиот Балде за првиот тим на Барса дебитираше вчера во пријателскиот натпревар против Химнастик (4:0). Балде ги помина сите категории на „Ла Масија“, минатата сезона играше за Барса Б со 16 настапи.
Составот на Роналд Куман е прв фаворит за освојување на титулата во шпанската „Ла Лига“, минатата сезона на врвот се искачи Атлетико Мадрид.
Холандскиот стратег од новата сезона ќе има страшен напаѓачки тандем откако првите луѓе на клубот успеаја да ги обезбедат услугите на Серхио Агуеро и Мемфис Депај, а се надеваат дека наскоро соработката ќе ја продолжи досегашната најголема ѕвезда Лионел Меси.
🤩 Alejandro Balde 🤩
✍ 2⃣0⃣2⃣4⃣#ForçaBarça 💙❤ pic.twitter.com/WPSy4etVCE
— FC Barcelona B (@FCBarcelonaB) July 22, 2021