Главниот уредник на „Франс Фудбал“, Паскал Фере, ги коментираше зборовите на Лионел Меси за време на неговата церемонија за „Златната топка“ во понеделникот.

Аргентинецот во својот говор кажа дека е правилно Роберт Левандовски да ја добие истата награда за минатата 2020 година.

Тогаш не се гласаше поради пандемијата на коронавирусот, а за фаворит важеше токму напаѓачот на Баерн.

– Она што го кажа Меси беше добро и паметно. Но, мислам дека не треба да носиме такви одлуки премногу брзо. Треба да се повикаме на историјата на „Златната топка“, која секогаш се засновала на процесот на гласање.

Не можеме да бидеме сигурни дека Левандовски ќе ја освоеше „Златната топка“ минатата година. Не можеме да знаеме со сигурност, бидејќи воопшто немало гласање. Но, искрено, Левандовски би имал одлични шанси за наградата – рече Фере.

Касиљас го крена гласот против Меси и „Златната топка“

Се огласи и Левандовски: Ја освоив наградата за најдобар напаѓач, но…