Севернокорејскиот лидер Ким Џонг-Ун испрати „вербална порака“ за кинескиот претседател Си Џинпинг, фалејќи го успехот на Пекинг во спречување на ширењето на коронавирусот.

Во пораката, Ким му честитал на Си и рекол дека исклучително цени што ја користи шансата за победа во војната против епидемијата без преседан, наведува јужнокорејската агенција Јонхап.

„Ким Џонг-ун му посакал на Си Џинпинг добро здравје, изразувајќи уверение дека кинеската партија и луѓето ги зацементирале досегашните успеси и непрестано ги шират, притоа остварувајќи конечна победа под мудрото водство на Си Џинпинг“, се додава во соопштението.

Ова е втор пат оваа година севернкорејскиот лидер да му испрати на кинескиот претседател порака во врска со коронавирусот. На крајот на јануари Ким ја пружи својата поддршка и помош на Пекинг во борба со вирусот кој брзо се прошири во соседните земји.