Поротата во лондонскиот суд денеска го прогласи актерот Кевин Спејси за невин, по обвиненијата за сексуално вознемирување, пишува „Дејли мејл“.

Актерот се расплака, откако беше прогласен за невин, за сексуален напад на четворица мажи, а тврдењата против него во текот на судењето ги нарече „лудост“ и „нож во грб“.

Спејси е ослободен од девет обвиненија, вклучително и сексуален напад, поттикнување на лице да се вклучи во сексуална активност без согласност и поттикнување лице да се вклучи во пенетративна сексуална активност.

Американскиот двоен оскаровец, кој денеска го слави својот 64-ти роденден, беше обвинет како „сексуален насилник“, затоа што наводно ги нападнал мажите, во периодот помеѓу 2001 и 2013 година.

Во јануари, актерот се изјасни за невин по три точки од обвинението за непристоен напад, три точки за сексуален напад и една точка за поттикнување на лице на сексуална активност без согласност.

Обвиненијата не само што ја уништија блескавата кариера во филмската индустрија, туку имаа и големи финансиски импликации, па на Спејси му беше кажано да плати оштета од 25,5 милиони фунти на продуцентите на „House of Cards“, откако беше отпуштен.

Започна судењето на Кевин Спејси: Конечно ќе му се суди за обвиненијата за сексуален напад