Казахстан по чудо во Љубљана, за Италија ќе биде доволен и бод во Леверкузен
Денеска ќе дознаеме уште неколку учесници на Европското првенство 2024, меѓу нив може да биде и фудбалската репрезентација на Италија од квалификациската група „Ц“ во која настапува и Македонија.
Поради воената состојба во својата земја, Украина ги игра домашните натпревари ги игра на неутрален терен, овојпат од 20.45 часот во германскиот Леверкузен ќе игра против актуелниот европски шампион Италија.
Во групата Англија како првопласирана со 19 бодови, веќе е на ЕП, а Италија и Украина кои имаат по 13 се борат за втората позиција.
Поради победата во првиот меѓусебен дуел на Италијанците им одговара и бод, а Украинците мора да одат на триумф ако сакаат по третпат во нивната историја да бидат дел од континенталните шампионати.
Молдавија има само две победи, но денеска може да се пласира на Европското првенство
Во квалификациската група „Х“ исто така имаме борба за второто место, меѓу репрезентациите на Словенија и Казахстан.
Данска која е на врвот со 22 бодови веќе е патник на ЕП, потоа Словенците се моментно второпласирани со 19 бодови, еден повеќе од Казахстан.
Словенија може и со реми да обезбеди пласман на ЕП, што би било нивно второ во историјата, а Казахстан кој мора да атакува на победа брка дебитантско учество на европските шампионати.