Актуелниот Формула 1 шампион Макс Ферстапен победи на трката за Големата награда на Франција што се возеше на патеката „Пол Рикар“, додека возачот на Ферари Шарл Леклер доживеа катастрофа кога му болокираше левиот преден пневматик по што излета од патеката иако во тие моменти беше лидер на трката. Ова беше седма победа за Ферстапен годинава и вкупно 27 во кариерата.

Второто место го освои Луис Хамилтон од Мерцедес кој денеска ја возеше 300 трка во кариерата, додека последното место на победничкиот пиедестал му припадна на вториот возач на германскиот тим, Џорџ Расел.

Најголем трагичар на трката е возачот на Ферари, Шарл Леклер кој до 18 круг имаше сигурно водство. Тогаш во 11 свиок се заби во заштитната ограда откако му блокираше левиот преден пневматик.

LAP 18/53

CHARLES LECLERC IS OUT OF THE RACE!!!

The Ferrari driver hits the wall at Turn 11!#FrenchGP #F1 pic.twitter.com/5SL5xQcmUc

— Formula 1 (@F1) July 24, 2022

Оттогаш првото место го зазеде Ферстапен и не го испушти до крајот, а сигурен беше и Хамилтон на второто место. Третопласираниот Расел, до победничкиот подиум дојде во финишит од трката кога успеа да го претекне возачот на Ред Бул, Серхио Перез.

#FrenchGP 🇫🇷 #F1 #Formula1
This Lecrec team radio is heartbreaking 💔 pic.twitter.com/OcundcWzDJ

— Rex Nobow DCLXVI ++ (@rexnobowdclxvi) July 24, 2022

Од петтото до десеттото место се пласираа Карлос Саинс (Ферари), Фернандо Алонсо (Алпине), Ландо Норис (Мекларен), Себастијан Окон (Алпине), Даниел Рикиардо (Мекларен) и Ленс Строл (Астон Мартин).

Наредната трка ќе се вози веќе следната недела за Големата награда на Унгарија.