Кафе била причината поради која 35-годишен маж од Србија си го уби таткото
Полицијата во Србија вчера го уапси 35-годишниот Дејан Шатри, кој бил осомничен дека со нож му задал смртни рани на својот 64-годишен татко, пренесува Курир.рс.
Според пишувањата на споменатиот српски извор, крвавото злосторство се случило поради расправија за кафе.
– Дејан има психички проблеми. Во понеделникот му рекол на татко си дека му се пие кафе и барал да си направи. Агим не му дозволил, бидејќи Дејан пие повеќе пати на ден, па сметал дека било премногу. Поради тоа се расправаа – рекол извор за Курир.рс.
Телото на 64-годишното Агим го пронашла неговота сопруга.
– Ми рече да му направам кафе и ќе ми каже што се случило. Не знаеше да објасни што го изнервирало. Од бомбардирање има проблеми. Се исплаши кога фрлаа бомби. Го носевме кај лекар, пиеше лекови – рекла таа.
За нејзиниот сопруг таа изјавила дека тој во последните неколку години станал многу насилен.
– Насилен беше. Се караше и се закануваше. Знаеше и да ме натепа и да ми се заканува дека ќе ме убие. Го пријавив насилството и лежеше в затвор две години. Лани беше пуштен. Инвалид беше, десната нога му беше отсечена, а подоцна и бубрезите му оболеа. Беше страшно нервозен – изјавила мајката, додавајќи дека Агим не дозволувал таа да работи.