Во рамките на културната манифестација „Скопско лето“ на 14 јули (четврток), со почеток во 20.30 часот, во Музејот на македонската борба концерт ќе одржи јапонскиот композитор и пијанист Тампеи Накамура.

Роден во Кобе, Јапонија, пијанистот и композитор Темпеи Накамура ги започнал своите студии по пијано на 5-годишна возраст. Во средното училиште, неговиот дом бил уништен од Големиот земјотрес Ханшин. Тој го напуштил средното образование и бил приморан да се вработи.

Своето образование го продолжува во музичко училиште и потоа на Универзитетот за уметности во Осака, каде што дипломирал како првенец на генерација по пијано. Во 2006 година, тој се сели во Њујорк за да ја продолжи својата кариера на меѓународно ниво. Во 2008 година, тој го направи своето деби на ЦД за „EMI Music Japan“.

Во 2010 година, тој го имаше своето соло рецитално деби во „Карнеги хол“ во Њујорк. Во текот на годината настапува во Европа и има одржано концерти во „Concertgebouw“ во Амстердам, „Maison de la Culture du Japon a Paris“, јапонско-германскиот Берлински центар и други места во различни земји, вклучувајќи ги Шпанија, Португалија, Италија, Австрија, Луксембург, Естонија, Словачка, Украина и Белорусија. Покрај ова, тој беше на турнеја низ Јапонија и одржа концерти во „неистражени региони“, како што е Кумано-кодо, место регистрирано како светско наследство.

Својот проект „Изгрејсонце“ го посвети на напорите за реконструкција по Големиот земјотрес во Источна Јапонија и беше награден со наградата за промоција на уметноста во префектурата Хјого во 2015 година од Здружението на уметници од префектурата Хјого.