Израелски министер повика за повторно воведување на карантин

Израелскиот министер за енергетика, Јувал Штајнц, кој е близок до премиерот Бенјамин Нетанјаху, денеска повика повторно да се воведе карантин за да се спречи заразата со коронавирусот да излезе од контрола.

– Верувам дека сега мора да преминеме на карантин, рече Штајнц во интервју емитувано на „Енет”, онлајн верзијата на израелскиот најпродаван весник „Једиот Ахронот”.

– Карантин од 10 до 20 дена… Карантин што дише… Одите на работа, во супермаркет и во аптека, но не на места за забава, рече тој.

– Зошто? Пред се, веројатно ќе дојдеме до тоа. Значи, подобро порано од подоцна, истакна Штајнц, додавајќи дека сегашната суспензија на летовите до и од Израел поради загриженоста од коронавирусот ќе биде далеку поштетна за економијата на земјата отколку привремено затворање локални бизниси како што се барови.

Прочитајте и...  ЕК: Добрососедските односи се важни за Србија и Црна Гора на патот кон ЕУ

Иако вкупниот број на жртви – 362 – е релативно низок, бројот на новозаразени во Израел почна да излегува од контрола, коментираат локалните медиуми.

Израел вчера регистрира 1.151 нови случаи за еден ден, откако во петокот постигна рекорд со 1.464 случаи. До утрово се потврдени 18.300 активни случаи на коронавирус, од кои 151 се во сериозна состојба, додека 47 се на респиратори.

Поврзани вести

Србија денеска со рекорден број жртви, Косово ја надмина бројката на илјада починати

МИА Агенција

Кафуле во Радовиш не ги почитувало протоколите, заработи кривична пријава

Слободен печат

ВМРО-ДПМНЕ обвинува за тајни средби во Софија на владини претставници

Лука Андреев

Спречен шверц на кафе од Албанија

Слободен печат

„Весна”: Повеќе од 20 активисти уапсени на протестите во Минск

Слободен печат

Заев: Во ЕУ ќе влеземе како Македонци кои зборуваат македонски јазик

Слободен печат

Остави Коментар

MacedonianAlbanian