Изненадување од ИХФ: Ракометарите ќе мора да прават ковид тестови на Светското првенство
Светското првенство во ракомет кое започнува за десет дена во Полска и Шведска нема да биде исклучок со ковид-протоколите.
На Мундијалот на кој ќе учествува и Македонија се најавени нови ковид-протоколи кои ги потврди ИХФ.
„ИХФ бара од сите ракометари да се тестираат пред почетокот на Светското првенство, потоа пред следната групна фаза. Исто така ракометарите на селекциите кои ќе се пласираат во четвртфиналето ќе бидат повторно тестирани“, потврдија од ИХФ.
Ако некој ракометар се покаже како позитивен ќе мора да помине изолација од пет дена, тоа значи дека нема да може да помогне на својата репрезентација за фазата пред која е тестиран.
Ваквата одлука на ИХФ е изненадување за сите репрезентации затоа што се мислеше дека времето со корона кризата е минато.