Излезе „Културен печат“ број 212 во божиќниот број на весникот „Слободен печат“
КУЛТУРЕН ПЕЧАТ број 212, во печатеното издание на божиќниот број на весникот „Слободен печат“ (06-08.01.2024), во својот стандарден формат на осум страници меѓу содржините од областа на уметноста и културните настани има:
– интервју со музикологот Мирјана Павловска-Шулајковска: Во традиционалниот македонски идиом преовладува мекото пеење
– разговор со младата поетеса и писателка Милена Сиљаноска: Ронливоста не е синоним за слабост
– изложба во Националната галерија: Респектабилен творечки опус на Ристо Калчевски
– поглед кон претставата „Череп во Конемара“ во Театар Комедија: Длабоко спознание на суштината на карактерите
– театарската претстава „Стапица за глувци“ во Прилепскиот театар ја преиспитува перцепцијата на вистината
– Националната опера и балет ќе го одржи традиционалниот Гала оперски концерт по повод празникот Василица на 12 и 13 јануари
– во ликовната галерија на НУЦК „Марко Цепенков“ во Прилеп е поставена изложба на дела од ликовната колонија „Дрен 2023“
– издавачката куќа „Арс ламина“ додели признанија за најдобрите за 2023 година
– Меѓународната поетска манифестација „Анџело Ла Векија“ во соработка со „Контекст – Струмица“ го објави конкурсот за наградите „Анџело Ла Векија“ и „Антево слово“
– до 15 јануари е отворен конкурсот за книжевната награда „Роман на годината“
– во чест на 100-годишнината од раѓањето на Ацо Шопов на крајот на 2023 година од печат излезе поемата „Одгласот на тишината“ од Зоран Пејковски
– интригантно патување во светот на жанровите со книгата „Како ја убив Вера и како таа повторно се роди“ на Оливера Андоноска
– издавачот „Темплум“ во едицијата „Старо купувам“ ја објави сликовницата „Страшило“, заснована на расказ на Славко Јаневски со илустрации на Наташа Андонова.