Излезе „Културен печат“ број 189 во весникот „Слободен печат“
КУЛТУРЕН ПЕЧАТ број 189, во печатеното издание на весникот „Слободен печат“ (29-30.7.2023), во својот стандарден формат на осум страници меѓу содржините од областа на уметноста и културните настани има:
– интервју со актерката Слаѓана Вујошевиќ: Сакам да верувам дека со секој нов лик растам и созревам
– разговор со фотографот Сашо Димоски, автор на изложбата „Станица Скопје ’63“ во КИЦ: Фотографии што пренесуваат значења
– изложбата „Подемот и падот на Скопје“ на Државниот архив е потврда за добрината, хуманоста и солидарноста на човештвото
– приказна за земјотресот, за солидарноста и за обновата носи изложбата „Скопје – градот Феникс“ во Музејот на град Скопје
– промовирана е книгата „Сребрени ноќни игри и Заробеници на ветрот“ на првата македонска поетеса Даница Ручигај: Феномен на женската емоција
– изложбата „Табула Раса“ на сликарот Киро Урдин на 2 август ќе биде отворена во галеријата „Константин Бранкуши“ во Букурешт, Романија
– карикатури од Григори и Илја Кац се претставени во галерија „Остен“ со изложбата со наслов „2Кац“
– македонската сликарка Марија Павловска ја прими меѓународната награда „Микеланџело – Генијот на Италија“, која ја доделува Фондацијата „Ефето арте“ во Рим
– во рамките на „Скопско лето“ на 29 јули (сабота) во Сули-ан ќе биде отворена изложбата „Алиса во Апсурдистан“ од Јулија Петровска
– пет книги влегоа во потесниот избор за поетската награда „Браќа Миладиновци“ на СВП
– ремек-делото на македонската драмска книжевност, „Диво месо“ од Горан Стефановски е објавено во ново издание од издавачкиот центар „Три“
– „Македоника литера“ деновиве ја објави новелата „Во главата на Бруно Шулц“ на современиот германски писател Максим Билер.
