Излезе „Културен печат“ број 187 во весникот „Слободен печат“
КУЛТУРЕН ПЕЧАТ број 187, во печатеното издание на весникот „Слободен печат“ (15-16.7.2023), во својот стандарден формат на осум страници меѓу содржините од областа на уметноста и културните настани има:
– интервју со хрватската актерка Бојана Грегориќ Вејзовиќ, која игра во филмот „М“ на Вардан Тозија: Актерството се учи и спознава додека си жив
– средба со програмскиот координатор на 22. „Синедејс“, Маргарита Арсова: Се втурнавме во вртлогот на она што најдобро знаеме да го правиме
– разговор со мултимедијалната уметница Јулија Кастелучи: Дојде време за еволуција на човековата свест
– средба со музичкиот уметник Глигор Кондовски пред неговиот концерт на „Скопско лето“: Убавината е во несовршенството на нас самите
– специфичните културни и уметнички карактеристики на Балканот се претставени на изложбата „Супстрати“ во Париз
– хип-хоп артистот Мартин Милев – Мартикс го објави новото ЕП со наслов „Буден сонувам“: Секојдневно ја учам уметноста на малите чекори
– музичко дружење на филмски фестивал – концерти на „Културно Уметнички Работници“ и Педро Кастиљо ќе се одржат на 22. „Синедејс“
– уште една значајна награда за претставата „Роња, ќерката на ограбувачот“ на Театарот за деца и младинци, овојпат во Котор
– долгометражниот документарен филм „Љубовната соба“ во режија на Сузана Диневски учествува на фестивалот „Искија“ во Италија
– македонскиот писател Томислав Османли е добитник на кинеска книжевна награда за романот „Бродот. Конзархија“
– почна со работа најголемата е-книжарница на „Литература.мк“
– Филозофскиот факултет при Универзитетот во Љубљана ја објави книгата „Човекот за животните и животните за човекот во современата словенска поезија“
– пет години од првото издание, романот „Маџун“ од Влада Урошевиќ е објавен во едицијата „ПРОаЗА“ на издавачката куќа „Или-Или“.