КУЛТУРЕН ПЕЧАТ број 177, во печатеното издание на весникот „Слободен печат“ (6-7.5.2023), во својот стандарден формат на осум страници меѓу содржините од областа на уметноста и културните настани има:

– интервју со академик Газанфер Бајрам: Во контрастите е хармонијата

– разговор со Фросина Георгиевска: Приказ на творечкиот свет на Владимир Георгиевски

– класична постава на ремек-делото „Набуко“ од Верди за отворање на 51. Мајски оперски вечери

– интерактивна дебата во „Јуроп хаус Скопје“: Зборот е начинот на кој сакаме да постоиме во светот

– премиера на филм со Сашко Коцев и Јелена Јованова во „Синеплекс“ – „Нешто слатко“ во питка верзија

– „Баги комуникации“ носи врвни музички имиња на четвртото издание на „Скопски градски фестивал“

– заедничко дело на Јане Чаловски и Христина Иваноска е претставено во галеријата „Зилберман“ во Берлин

– едукативно-документарниот филм „Бела книга – женско писмо“ на авторката Снежана Младеновска Анѓелков зборува за македонските писателки и поетеси

– издавачката куќа „Бегемот“ го објави романот „Плачеш како кит“ од реномираниот новинар и писател Ѕвездан Георгиевски

– од печат излезе новиот роман „Мина“ од Игор Анѓелков

– од печат излезе „Прости песни (на кого помислуваш кога смртта мисли на тебе)“, стихозбирка на Александра Спасеска во издание на „ПНВ Публикации“

– издавачката куќа „Кооперација“ ја објави детската сликовница „Чуварот на ѕвездите“ на Лира Џокиќ со илустрации на Ана Тодоровска.