Излезе „Културен печат“ број 175 во весникот „Слободен печат“
КУЛТУРЕН ПЕЧАТ број 175, во печатеното издание на весникот „Слободен печат“ (21-23.4.2023), во формат на четири страници поради продолжениот викенд, меѓу содржините од областа на уметноста и културните настани има:
– обединувачката сила на „Јанѕа“, долгометражен документарен филм работен според мотиви на делото „Дневник по многу години“ од Блаже Конески по сценарио и во режија на Никола Т. Калајџиски во продукција на „Контраст филм“
– книжевно-културолошки проект „Книжевни рефлексии“ на Ана Јовковска во Институтот за македонска литература: Родовата еднаквост е борба за слободно и рамноправно општество
– МАНУ објави уметничка монографија како грандиозен артефакт за делото на академик Газанфер Бајрам
– камерниот оркестар „Профундис“ во Националната опера и балет ќе изведе уникатен мултимедијален спектакл со наслов „Грув“
– првата активност на новооснованата компанија „АртАктУм“ во рамките на проектот „Театар на платно“ ќе биде проекцијата на претставата „Кафе Мулер“ на легендарната танчарка и кореографка Пина Бауш
– издавачката куќа „Или-Или“ ја промовираше новата збирка раскази „Вонземјанки – раскази од Латинскиот кварт“ од Влада Урошевиќ
– во издание на „Матица македонска“ од Скопје излезе од печат романот „Ако се родат некакви чувства“ од Блаже Миневски, посветен на љубовта на Гоце Делчев и Јанка Каневче
– Форумот на словенските култури од Љубљана го објави словенечкиот превод на книгата „Sиркачот“ на Александар Прокопиев
– како дел од проектот „Пораки на надеж: инспиративна европска литература“ на издавачката куќа „Артконект“, објавен е романот „Небото“ од Пиа Лејно со поддршка од програмата „Креативна Европа“ на Европската Унија.