Истражувањето од „Yale“ тврди не само дека луѓето можат да се поделат на оние кои ја гледаат работата како работа наспроти кариера, туку и дека некои сметаат дека работата е нивниот идентитет. Кога работодавците бараат еден тип, но вработуваат друг, се појавуваат големи проблеми.

Истражувачите заклучија дека има шест видови на работници (архетипови), секој со свои силни и слаби страни.

„Овие архетипови ни помагаат подобро да разбереме што е потребно за различни поединци да најдат цел во работара“, се наведува во извештајот.

Оператори

Во извештаите се вели дека „операторите наоѓаат значење и самопочит првенствено надвор од нивните работни места. Кога се сведува на тоа, тие ја гледаат работата како средство за постигнување цел. Тие не се особено мотивирани по статус или автономија, и генерално не бараат да се истакнат на своето работно место. Тие имаат тенденција да претпочитаат стабилност и предвидливост. Така, тие имаат помал интерес да инвестираат за да ја променат својата иднина во споредба со другите архетипови. Во исто време, операторите се еден од архетипови со свест за тимска работа и често гледаат на многу свои колеги како пријатели“.

Силни страни: тимски играчи.

Слабости: не се проактивни, лесно се откажуваат.

Даватели

„Давателите наоѓаат значење во работата што директно ги подобрува животите на другите. Тие се архетип најмалку мотивирани од парите. Често гравитираат кон професии на грижа како што се медицината или наставата, но можат да напредуваат и во други области на работа каде што директно можат да комуницираат со и им помагаат на другите. Нивната емпатична природа обично се преведува во силен тимски дух и длабоки лични односи на работа. Во исто време, нивната повнимателна природа значи дека тие имаат тенденција да планираат однапред и се колебаат да скокаат во нови можности кога ќе се појават“, според авторите на извештајот.

Силни страни: несебични, помогаат да се изгради доверба во организацијата.

Слабости: понекогаш непрактични или наивни.

Занаетчии

„Занаетчиите бараат работа што ги фасцинира или инспирира. Тие се мотивирани од стремежот за мајсторство. Уживаат да бидат ценети поради нивната стручност, иако помалку се занимаваат со статусот во поширока смисла. Занаетчиите обично сакаат висок степен на автономија за вежбање нивниот занает и му даваат најмала важност на другарството од сите архетипови. Додека многумина наоѓаат повисока цел во работата, ова е повеќе за страст отколку за алтруизам“, се тврди во извештајот.

Силни страни: добро позиционирани за решавање на најсложените предизвици.

Слабости: може да бидат напостојани и да ги изгубат од вид поголемите цели.

„На работа сме како едно големо семејство“: Зошто компаниите ни ја наметнуваат оваа метафора?

Истражувачи

„Истражувачите ја ценат слободата и искуствата. Имаат тенденција да живеат во сегашноста и да бараат кариери кои обезбедуваат висок степен на разновидност и возбуда. Истражувачите ѝ придаваат повисоко од просечно значење на автономијата. Тие исто така се поподготвени од другите да ја заменат безбедноста за флексибилност. Обично не се потпираат на нивната работа за чувство на идентитет, често истражувајќи повеќе занимања во текот на нивниот живот. Истражувачите имаат тенденција да усвојат прагматичен пристап кон професионалниот развој, развивајќи само ниво на потребна експертиза“, стои во извештајот.

Силни страни: со ентузијазам ќе се фрлат на која било задача што се бара од нив.

Слабости: може да бидат без насока или да немаат убедување.

Амбициозни

„Амбициозните имаат силна желба да направат нешто од себе. Тие се мотивирани од професионален успех и го ценат статусот и компензацијата. Тие се напредни планери кои можат релативно да се спротивстават на ризикот, бидејќи се одлучуваат за добро изгазени патишта до успехот. Амбициозните се подготвени да толерираат помала разновидност сè додека тоа е во служба на нивните долгорочни цели. Имаат тенденција да го дефинираат успехот во релативна смисла, и на тој начин нивните односи можат да бидат натпреварувачки и трансакциски“, се вели во извештајот.

Силни страни: дисциплинирани и транспарентни.

Слабости: нивната конкурентност може да ја деградира довербата и другарството во тимовите.

Пионери

За овој претприемачки тип поголема е веројатноста да се основаат компании отколку да се затвораат во редовите: „Пионерите се на мисија да го променат светот. Формираат силни ставови за начинот на кој работите треба да бидат и бараат контрола неопходна за да се постигне таа визија. Тие се најтолерантни на ризик и најориентирани кон иднината од сите архетипови. Пионерите длабоко се идентификуваат со нивната работа. Нивната визија е важна повеќе од сè, и тие се подготвени да направат големи лични жртви соодветно на неа. Нивните работни односи имаат тенденција да бидат повеќе трансакциски по природа. Нивната визија е често барем делумно алтруистичка, но таа е јасно нивна“.

Силни страни: заразна енергија која може да донесе трајни промени.

Слабости: може да бидат бескомпромисни.

Наполеон и Жозефина: Те сакам, ама те мразам