Изборот на домашно милениче е секогаш голем предизвик, а треба да се земат предвид многу фактори – дали кучето ќе живее во куќа или стан, со деца или постари лица, дали ќе биде потребно многу време и трпение за да го тренирате, дали се мирати и на крајот – колку долго ќе живее?

Истражувањето објавено во списанието „Саентифик рипортс“ покажа дека Џек расел териерот е најдолговечната раса на кучиња, која живее во просек 12 години и осум месеци, а по неа следи Јоркширскиот териер кој живее 12 и пол години.

Според истражувањето третата најдолговечна раса е Бордер коли, куче кое во просек живее 12 години и еден месец. А, четвртата најдолговечна раса е Англискиот спрингер спаниел со просечен животен век од 11 години и 11 месеци.

Истражувањето е спроведено со помош на базата на податоци на Кралскиот ветеринарен колеџ од Обединетото Кралство, која содржи податоци за повеќе од 2 милиони животни. Исто така, се покажа дека кучињата со кратко, сплескано лице, како што се булдозите и боксерите, имаат најкраток животен век.

Па, францускиот булдог живее во просек само четири и пол години. Покрај француските и англиските булдози, чивавите, хаскиите и мопсовите имаат најголеми шанси да умрат пред да наполнат полнолетна возраст од две години.