Перез беше најзаслужен за денешната победа на Барса против составот на Висел Кобе со конечен резултат 2:0 на стадионот во Јапонија. За Кобе играат поранешните фудбалери на Барса, Андрес Иниеста, Серхи Сампер и Давид Виља.

Немаше голови во првото полувреме, Перез настапи од стартот на вториот дел како замена за Коладо.

Најпрвин за водство стрелаше во 59 минута, а конечниот епилог го постави во финишот од средбата. Новото засилување Антоан Гризман беше стартер и ги одигра првите 45 минути, но и овојпат францускиот репрезентативец не се запиша во листата на стрелците.

? #RakutenCup ?

?? #ForçaBarça pic.twitter.com/yLhUvQ2ksV

— FC Barcelona (@FCBarcelona) July 27, 2019

Претходно каталонскиот гигант на „Саитама“ стадионот со 2:1 загуби од премиерлигашот Челзи. Шпанскиот шампион го очекуваат нови контролни мечеви наредниот месец, против Арсенал и Наполи на македонскиот репрезентативец Елиф Елмас.

Да додадеме уште дека поранешниот член на Барса, Томас Вермален ја продолжи кариерата токму во редовите на Висел Кобе.