Непрофитната организација Репортери без граници (РСФ) во своето последно истражување објави дека вкупно 57 новинари и медиумски работници се убиени оваа година поради нивната работа, вклучително и осум откако почна војната во Украина. Дополнително, РСФ има евидентирано 532 кои се затворени заклучно со 14 декември.

На инфографикот се прикажани местата каде што биле убиени најмногу новинари во 2022 година (16 земји кои не се прикажани имале по еден смртен случај).

Во Мексико, убиствата на новинари поради директна врска со нивната новинарска работа претставуваа речиси 20 отсто од вкупниот број во светот. Како што е наведено од РСФ: „Најмалку 80 новинари се убиени во врска со нивната работа во Мексико во изминатите десет години (вклучувајќи 46 во последните пет) и покрај постојаните повици од граѓанското општество и меѓународните организации до владата да се бори повеќе против насилството“.

Во извештајот се спомнува и убиството на новинарката Лурдес Малдонадо Лопез, која „во принцип уживаше државна заштита во Долна Калифорнија“, кога беше застрелана пред нејзиниот дом во јануари.

Свртувајќи го вниманието кон Украина, сега втора најопасна земја за медиумските работници од руската инвазија на 24 февруари, РСФ брои 8 смртни случаи во земјата додека завршува 2022 година

„Тие го вклучуваат Макс Левин, украински фоторепортер кој намерно беше застрелан од Руски војници на 13 март, според заклучоците од истрагата на РСФ“. Самата Русија моментално има 18 затворени новинари.

Рекорден број на уапсени новинари

Според податоците на Репортери без граници, 532 новинари биле уапсени или сѐ уште се во затвор поради нивната работа до средината на декември 2022 година. Кина е земја каде овој број е највисок, односно 99 (плус 11 во Хонг Конг).

Во согласност со тоа што претседателот Си Џинпинг ја консолидира својата контрола врз земјата и спроведува построга контрола врз медиумите, Кина продолжи да ги затвора членовите на печатот.

Слична е ситуацијата во Турција, иако бројот на уапсени новинари се намали годинава, слободата на медиумите, според Репортери без граници, останува многу ниска. Десетици новинари кои моментално не се во затвор во Турција сè уште се соочуваат со судење или жалба и допрва би можеле да бидат осудени, додека други кои се осудени во отсуство би можеле да се соочат со долго време зад решетки по нивното враќање во земјата.

На ставот на Саудиска Арабија кон критичкото новинарство не му треба вовед по варварското убиство на Џамал ​​Кашоги. Од 2022 година, 26 новинари се во затвор во тоа кралство.