Инцидент на Островот: Нападнат автобусот со фудбалерите на Астон Вила
Aстон Вила со 3:1 ја славеше на гостувањето кај Барнли во денешниот натпревар од Премиер лигата, а по натпреварот автобусот на гостинските фудбалери бил нападнат.
Гостите си заминаа со три бода и овој пораз домаќините тешко го прифатиле, па така на заминување го нападнале автобусот фудбалерите на Астон Вила. Според информациите на медиумите од Островот повреден бил тренерот на Астон Вила.
Полицијата добила и снимка од инцидентот и сега ќе се истражуваат напаѓачите. Барнли изрази жалење за ваквото однесување на своите навивачи.
„Со жалење и згрозување дознавме за нападот на тимскиот автобус на Астон Вила. Разговаравме со нивните претставници и бевме известени дека за среќа никој не е посериозно повреден. Најостро го осудуваме ваквиот однос и даваме поддршка на полицијата во напорите да се пронајдат сторителите“, стои во соопштението од Барнли.