Играчите на Рома се откажаа од платите во наредните четири месеци
Извршниот директор на римскиот клуб, Фиенга им се заблагодари на капитенот Џеко, фудбалерите и тренерот Фонсека за овој врвен гест.
Фудбалерите и стручниот штаб на Рома се согласија да се откажат од нивните плати во наредните четири месеци и така му помогнат на клубот за време на пандемијата на коронавирусот.
Серија А е суспендирана од 9 март и не е познато кога ќе продолжи. Рома во денешното соопштение објави дека играчите се откажале од платите кои требаше да ги добијат помеѓу март и закажаниот крај на сезоната во јуни.
"We always talk about unity at Roma and in volunteering to cut their salaries for the rest of the season, the players, the coach, and his staff, have proved we really are all in this together,” said #ASRoma CEO Guido Fienga.
Full story: https://t.co/m9WqGjex2b pic.twitter.com/Mrliq5C8QH
— AS Roma English (@ASRomaEN) April 19, 2020
Покрај тоа, играчите се согласија да ги зголемат платите за работната заедница во клубот, кои сите се ставени на програмата на програмата на италијанската влада за социјална сигурност, за да им помогнат да имаат редовни месечни примања.
– Секогаш зборуваме за заедништво во Рома. Играчите, тренерот и неговиот стручен штаб се согласија доброволно да се откажат од платата и со тоа докажаа дека сите сме заедно во ова – рече извршниот директор, Гвидо Фиенга, а воедно додаде:
– Капитенот Един Џеко, сите играчи и тренерот Пауло Фонсека покажаа дека разбираат што значи овој клуб и за што се залага, па затоа сме им благодарни на сите нив за овој врвен гест кон вработените во клубот.