Израелските одбранбени сили (ИДФ) денеска објавија дека убиле повеќе од 170 вооружени лица на Хамас и заробиле 800 осомничени за тероризам за време на тековната операција против палестинската група во болницата Ал Шифа во градот Газа.

ИД соопшти дека израелските војници исто така лоцирале инфраструктура што им припаѓа на терористичките групи и складишта за оружје за време на операцијата во болницата Ал Шифа, која започна во понеделникот, објави „Тајмс оф Израел“.

Во меѓувреме, во текот на изминатиот ден, израелските воздухопловни сили нападнаа околу 35 локации низ Појасот Газа, вклучувајќи командни простории и друга инфраструктура што им припаѓа на терористичките групи, според ИД.

Забележано е дека околу 15 терористички оперативци биле убиени во центарот на Газа за време на интензивните борби во текот на изминатиот ден. додека палестинското Министерство за здравство соопшти дека пет пациенти го загубиле животот во нападот на ИД.

Вооруженото крило на Хамас и Исламски џихад соопшти дека нивните борци биле ангажирани во борби со израелските сили во близина на болницата Ал Шифа во градот Газа, иако Хамас негира какво било присуство во објектот, пренесува Ројтерс.