Коронавирусот продоложува да се шири помеѓу екипите кои се дел од Евролигата, а најнов случај е тој на Никола Миротиќ.

Првата ѕвезда на Барселона преку социјалните мрежи соопшти дека е позитивен на коронавирус по последното тестирање.

Quiero contaros que he dado positivo por COVID19 y desgraciadamente no podré estar en el partido de hoy. Me encuentro bien y estoy siguiendo las indicaciones médicas. Quiero desear mucha suerte a mis compañeros, les apoyaré desde la distancia! #ForcaBarca

— Nikola Mirotic (@NikolaMirotic33) October 13, 2020

„Сакам да ве известам дека сум позитивен на ковид-19 и за жал нема да можам да играм на денешниот натпревар. Се чувствувам добро и ги следам инструкциите на лекарите. Среќно на моите соиграчи кои ќе ги бодрам од дистанца“, порача Миротиќ преку Твитер.

Миротиќ е заразен со корона по натпреварот од минатиот петок со рускиот Зенит кај кого владее хаос поради коронавирусот бидејќи дури осум кошаркари се позитивни. Поради тоа, двата натпревари на Зенит против Басконија и Валенсија кои требаше ги игра оваа недела се одложени, додека екипата на Асвел има девет кошаркари кои се здрави пред натпреварот со Панатинаикос.

Миротиќ не е единствен член на Барселона кој е позитивен на коронавирус, претходно се зарази и главниот тренер на екипата, Шарунас Јасикевичиус.