Хуманитарна акција „Помогни му на другарче во невоља“

Јавната детска градинка „Весели цветови“ и клонот „Ѓурѓица“ спроведоа голема хуманитарна акција за детенцето кое ја посетуваа оваа детска градинка, а во пожарот го изгуби својот дом.

-По опожарувањето на семејниот дом на детенцето, кое во населбата Пинтија го посетува објектот„Ѓурѓица“, градинката со цел да му помогне на семејството спроведе голема хуманитарна акција, насловена „Помогни на другарче во невоља“, велат од Општина Кисела Вода.

Вработените и родителите на дечињата, од сите објекти во надлежност на ЈДГ „Весели цветови“, донираа прехранбени производи, облека, машина за перење, мебел за дневна соба и финансиски средства.

Сите хумани граѓани и фирми, кои се во можност да му помогнат на семејството, со истото можат да контактираат на телефонскиот број: 078/719-426.

Видео на денот