Хрватската Агенција за заштита на лични податоци (АЗОП) изрече административна глоба на управителот за обработка – агенцијата за наплата на долгови Б2 Капитал во износ од 2.2 милиони евра. Станува збор и за евентуално извршување на кривично дело за што е надлежно МВР кое ќе спроведе кривична истрага, објави Индекс.хр. Протечени се лични податоци на 77 илјади граѓани, нивните OIB и долгови.

Б2 Капитал која се занимава со наплата на долгови ги објави податоците на 77.317 физички лица кои содржат име и презиме, ОИБ, датум на раѓање, адреса на живеење, име и ОИБ на работодавачот, долг кон Б2 Капитал, висината на главницата и висината на затезната камата, како и, што е особено спорно, број на мобилен телефон и лична е-пошта.

Четирите најголеми банки кои работат во Хрватска, Хрватското здружение на банки и Хрватската народна банка, која ги надгледува договорите за продажба на побарувања меѓу банките и агенциите, не сакаа да одговорат што им предаваат банките на инкасаторите кога продаваат лоши побарувања.

АЗОП сега изрече казна од 2,26 милиони евра, а тоа е затоа што контролорот на податоците не ги информирал јасно и точно своите испитаници за обработката на нивните лични податоци преку известувањето за обработка на личните податоци.