Хрватите тераат сеир со Србите: Пак ќе не гледаат на ТВ
Репрезентацијата на Хрватска е редовен учесник на големите фудбалски настани, на последниот таков настан, Светското првенство во Русија 2018 година играше во финалето, додека Србија вчера имаше идеална шанса во Белград да обезбеди пласман на Европското првенство, но потклекна во пенал рулетот.
Селекцијата на Србија загуби од Шкотска, а трагичар на натпреварот беше напаѓачот на Фулам, Александар Митровиќ кој го промаши последниот пенал и го однесе противникот на ЕП.
Сол на раната на Србите им стави нивниот сосед, Хрватска, односно медиумите кои тераа сеир поради неуспехот на избраниците на Љубиша Тумбаковиќ.
„Србите повторно ќе нè гледаат на ТВ, а ние преку два домаќини одиме по нов голем резултат“, гласеше насловот на текстот на сајтот 24sata.hr.
Неуспехот на својата репрезентација го признаа и српските медиуми.
БАРАЖ ЗА ЕП: Пеналите кобни за Србија, Шкотска ќе игра на ЕП (ВИДЕО)