Хрват (54) од Лауфен во германската сојузна држава Баварска, излегол пред суд бидејќи во мај оваа година, помеѓу другото, продавал и грамофонска плоча со ликот на Адолф Хитлер и забранетиот нацистички знак.

Во Германија истакнувањето на нацистички ознаки е нешто што е најстрого забрането.

Хрватот се жалел на првобитната казна во износ од 1.600 евра, па сега ќе мора да плати 2.000 евра плус судски трошоци.

Мажот на судот рекол дека грамофнската плоча ја купил во еден маркет, а наводно тој не забележал дека на неа е ликот од Хитлер.

– Содржината на кутијата ја погледнав површно. Во кутијата имаше грамофонски плочи од народни песни и Ролинг Стонес – тврдел Хрватот на судот.

Меѓутоа, судијата не му поверувал, па тој бил парично казнет со голема сума на пари.